kz ru
Қ

азақстанды әлемдегі 50 дамыған елдің қатарына кіру мақсатын ұстанып отырған жас мемлекет ретінде біледі. Бұл үшін бізге ХХІ ғасырда қалай оқып, қалай жұмыс істеу керектігін білетін жоғары білімді адамдар қажет. Дамыған елдердің  75% ұлттық байлығы интеллектуалды капиталдың арқасында құралады. Білім мен кәсіпқойлық дағды рухани-адамгершілік құндылық, әлеуметтік жауапкершілік пен патриотизмге бағытталған болса, сонда ғана қоғамдағы жасампаз күшке айналмақ.

И

нтеллектуалды олимпиада – бұл Қазақстанның инновациялық білім жобасы. Біздің олимпиадаларға қатысу арқылы өз біліміңізді тексеріп қана қоймай, креативті ойыңызды дамытып, өзіңізді оқытып-үйретуге дағдыланасыз. Сайтымызда сіздерге мектептегі дәстүрлі пәндер ғана емес, сонымен қатар тақырыптық және пәнаралық олимпиада ұсынбақпыз. Бұл әр-түрлі дәрежедегі жаңа олимпиада болмақ, қатысу түрі де белгіленген: жеке немесе командалық. Біздің ҚИО тобымызда болыңыздар!

О

лимпиада - инновация, интернет және зияткерліктің қосындысы болып отыр. Бұл сайтымыздың жаңа бет алысы. Мұнда ҚИО командасымен де таныса аласыздар. Бұл ҚИО бастаушылары мен ҚИО жеңімпаздар дипломының иегерлері командасы! Қазақстандық Интернет-Олимпиадаларға қатысып, жеңімпаз болыңыз! Сіздің фотосуреттеріңіз бен сын-пікірлеріңіз пайда болады, сіз жайлы мыңдаған интернет пайдаланушылар білетін болады. Қазақстандық зияткерлер www.cdo.kz сайтында табысады.

"ҚИО" интернет-олимпиадаларының жеңімпаздары
№45 ОМ
«Қыс-Көктем 2016» маусымының жеңімпаздары
Ақтөбе облысы, Ақтөбе қаласы...

Құрметті «Дарын» республикалық ғылыми-практикалық орталығы ұжымы!

Қазақстан интернет олимпиадасын ұйымдастыру комитеті ұжымы!

Сіздерге Ақтөбе қаласы «№45 жалпы білім беретін  орта мектеп» КММ ұжымы, 2015-2016  оқу жылында  Қазақстан интернет олимпиадасынан жеткен жетістіктеріміз ескеріліп марапатқа ие болғаны үшін өз алғысын білдіреді.

Оқушы бойындағы білім мен қабілетті ұштастыра отырып, ғылым негіздері бойынша оқушылардың функционалды сауаттылығын көрсете білуіне мүмкіндік  тудырған ұстаздар еңбегін мақтаныш етеміз!

Қазақстан интернет олимпиадасы  әрбір дарынды оқушы мен білікті ұстаздың білім көкжиегін көрсетіп, білік дағдыларын шыңдай түсетін білім бәсекесі деп есептейміз.

Алдағы оқу жылдарына ұжымға табыс пен шығармашылық тілейміз!

 
М. Арын атындағы ДБА №24 арнаулы лицейі
«Қыс-Көктем 2016» маусымының жеңімпаздары
Алматы облысы, Талдықорған қаласы...

Біз, 2015- 2016 оқу жылында Қазақстан интернет олимпиадасына қатыстық. Олимпиада тапсырмалары әр оқушылардың ойлау логикасы мен өзіндік дүниетанымын дамытуға қажетті.

Өйткені бүгінгі күні тек жалпыға бірдей білім беру стандарты талаптары шегінде емес, олардың бәсекеге қабілетті білім кеңістігінде зияткерлік қабілеті дамыған және  жан - жақты білімі бар тұлға даярлау - ең негізгі мақсатымыз.

Бұл тұрғыдан сіздердің жалпы пәндер бойынша оқушы білімін дамытуға даярлаған тапсырмаларыңыз біздің пәндік білімімізді тереңдетіп, ізденушілікке жетелейді.

Оқушылардың фундаменталды білімдерін қолданып, басқа оқушылармен салыстырып, өзіндік көзқарастарын, білімін дәлелдеуге мүмкіндік алады.

Ал, мұғалімдердің олимпиадалары өз білімін жетілдіруге және оны шығармашылық  тұрғыда дамытуға, республика бойынша мұғалімдер арасында өзара бәсекелестікке шақырады.

Лицейдегі өзара сыныптар мен мұғалімдер арасында рейтинг жүйесі болғандықтан, біз дарынды балаларды анықтау мен дамытуға көп көңіл бөлгендіктен  сіздердің олимпиадалық қозғалысты дамытудағы еңбектеріңізге үлкен алғысымыз шексіз.

Бүгінгі оқушыларымыз біздің кемел болашағымыз. Болашағымыздың білімді де, талапты болуына осындай үлес қосып, үнемі қызықты тапсырмаларыңыз таусылмай, мұғалімдер пен оқушыларымызды қуанта беріңіздер.

 
С. Г. Гуденко ат. Дубровинск орта мектебі
«Қыс-Көктем 2016» маусымының жеңімпаздары
СҚО, Мамлют ауданы...

Республикалық қашықтық олимпиадаға біздің мектеп 2012-2013 оқу жылында қатыса бастады. Барлық уақыт бойы мектеп оқушылары мен педагогтары барлық пән олимпиадаларының белсенді қатысушылары болып табылады. Біз әр жаңа маусымның ашылуын асыға күтеміз!

С. Г. Гуденко ат. Дубровинск орта мектебі үшін 2015 – 2016 оқу жылы ең сәтті болды: біз "Дарын" Кубогының жүлдегерлері болдық! 3 орын алғаны үшін біздің мектеп ұйымдастыру комитетініңКубокмен және алғыс хаттарымен марапатталды.

 
№10 МГ
«Қыс-Көктем 2016» маусымының жеңімпаздары
Қостанай облысы, Рудный қаласы...

Біздің мектеп-гимназия Республика бойынша олимпиадаға қатысушылар арасында "ДАРЫН" кубогына ҚИО рейтингісінде жыл сайын жүлделі орынға ие болды. Бұл, әрине, біздің балаларымыздың еңбегі. Олар ұйымдастырушылар әзірлеген олимпиада тапсырмаларын терең қызығушылықпен шешеді. Мүмкін, егер оқу үдерісі болмаса, біздің мектеп-гимназия белсенді қатысар еді.  Біз үшін балаларға командалық олимпиада орындау байқауы өте қызықты, өйткені олар арасындағы диалогта ынтымақтастық пен достастық байқалады. Тапсырмалар олардың эмоцияларын қызықтырады, бұл кейде қызықты пікірталастар тудырады. Біз оқушыларымыздың сын тұрғысынан ойлауын дамыту үрдісін бақылаймыз және балалардың қашықтық олимпиадаларының көмегімен дамуға мүмкіндігі бар екеніне қуанамыз. "Дарын" РҒПО мен ҚИО ұйымдастыру комитетіне осы тамаша мүмкіндік үшін алғыс айтамыз!

 
№17 негізгі мектебі
«Қыс-Көктем 2016» маусымының жеңімпаздары
Қарағанды облысы, Сарань қаласы...

Біздің мектеп 2012-2013 оқу жылынан бастап ҚИО - РҒПО "Дарын" олимпиадаларына қатысады. Олимпиадаға қатыса отырып, мұғалімдер мен білім алушылар өздері үшін көптеген қызықты фактілер ашты. Олимпиада оқушылардың мотивациясы мен нәтижелеріне оң әсер етті. Олимпиада және командалық рух мектеп өміріндегі күнделікті құбылыстарға айналды.  Біз мұғалімдер, білім алушылар мен ата-аналар атынан "Дарын" РҒПО басшылығы мен ҚИО ұйымдастыру комитетіне осындай қызықты олимпиадаларға қатысуға мүмкіндік бергені үшін алғысымызды білдіреміз!

 

 
Смагулова Дария
«Күз-Қыс 2015» маусымының жеңімпаздары
Ертіс ауданы, Қызылқақ ЖОББМ...

Мен Дария Смағұлова, Павлодар облысы, Ертіс ауданы, Қызылқақ ЖОББМ 11-сынып түлегімін. Құрметті ҚИО ұйымдастырушылары осы олимпиаданың стипендиаты атанғаныма өте қуаныштымын. Біріншіден, осындай олимпиадаларды ұйымдастырған үшін сіздерге мың да бір алғыс. Екіншіден, осы олимпиадаға дайындап, 11 жыл бойы білім берген ұстаздарыма рахмет. Бір өкінетінім ҚИО кеш қатысқаныма,

яғни 2015-2016 оқу жылы. Себебі биыл мен 11-сынып бітіріп отырмын. Дегенмен, бір жыл ғана қатыссам да, жетістіктерім өте көп. Қазақ тілінен, орыс тілінен, тарихтан 1-2 орын жүлдегерімін. Екінші маусымның қорытындысы бойынша екінші орын алып, дипломмен және бағалы сыйлықпен марапатталдым. Топтық жарыстарға қытысып, үшінші орынды иелендім. Енді міне, гуманитарлық бағыты бойынша ең үздік нәтиже көрсеткенім үшін ҚИО стипендиаты атандым. Қуанышыма шек жоқ. Сіздердің еңбектеріңізге шығармашылық табыс тілеймін.

Ал ҚИО қатысушыларына сәттілік.

 
Мағжан Сағынғанов
«Күз-Қыс 2015» маусымының жеңімпаздары
Өскемен қаласы, Назарбаев зияткерлік мектебі...

Мен Өскемен қаласындағы Назарбаев Интеллектуалдымектебінің 6 сыныбын КИО жеңімпаздарының бірі ретінде тәмамдап отырмын. Өзімнің осы олимпиадаларға қатыса отырып, қажырлылық, шыдамдылық сияқты ер азаматқа тәнқасиеттерге үйренгенімді айтқым келеді. Қазіргі толассыз ақпараттар ағынынан қажет мәліметтерді жылдам тауып, қажетіме жаратуды сіздердің Қазақстан интернет олимпиадаларыңыз арқылы меңгердім десем асыра айтқандық емес. КИО-шынында да теңдессіз жоба. Ұйымдастырушыларға шығармашылық табыс тілеймін!

 
Боранбай Бихан
«Күз-Қыс 2015» маусымының жеңімпаздары
Ақсу қаласы, ДБА мамандандырылған гимназиясы...

Қазақстан интернет олимпиадасы мен үшін ең маңызды олимпиадалардың бірі болып саналады. Мен өзім тізбекте болатын барлық пәндерге қатысудамын. Ол өзімнің жан-жақты дамуына септігін тигізеді деген ойдамын. Ұйымдастырушылардың маусым сайын жеңіске жеткен оқушыларды бағалы сыйлықтармен марапаттауы олардың қызығушылықтарын арттыра түседі. Бұл олимпиадаға зор ынтамен қатысамын. Осының алдында "Күз-қыс","Қыс-көктем" маусымдарының жеңімпазы мен жүлдегері атансам, қазіргі кезде "ҚИО стипендиаты" атағына ие болдым. Бұл деген үлкен қуаныш. Ұйымдастырушыларға алғысым шексіз. Болашақта Қазақстан интернет олимпиадасына әрі қарай белсенді қатысамын. Барлық оқушыларға осы олимпиадада үлкен нәтижелерге жетуге тілектеспін.

 
Альмира Оралбай
«Күз-Қыс 2015» маусымының жеңімпаздары
Көксу ауданы, Қадырғали Қосымұлы Жалайыри атындағы мектеп гимназиясы...

Мен Алматы облысы Көксу ауданы Қадырғали Қосымұлы Жалайыри атындағы мектеп гимназиясында 8 сыныпта оқимын. Биылғы жылы КИО олимпиадасына қатысып,  жаратылыстану-матеметика бағытындағы пәндер олимпиадасында үздік нәтиже көрсетіп,  «Стипендиант»  атандым.  Маған бұл олимпиада өте ұнайды, себебі ондағы тапсырмалар жан-жақты әрі қызықты.  Тапсырмаларды белгілі уақыт аралығында ғана шешу -оқушылардың ойлау қабілетін арттырып, жылдам шешім қабылдауға үйретеді.  КИО олимпиадасы менің пәндерге деген қызығушылығымды арттырды, шығармашыл болуға үйретті.  КИО олимпиадасына қатысқан оқушылар кез-келген тест тапсырмаларын жеңіл орындай алады.  Еліміздегі білімді, дарынды оқушылардың болашағына жол ашатын осындай  КИО олимпиадасының ұйымдастырушыларына үлкен рахмет!

 
Әбілқайыр Дәурен
«Күз-Қыс 2015» маусымының жеңімпаздары
Жетісай қаласы, Момышұлы ат. №6 мектеп-гимназиясы...

Құрметті «КИО» ұйымдастырушылары! Сіздерге қашықтық олимпиаданы ұйымдастырғандарыңыз үшін ерекше алғысымды айтамын!Мен «КИО» олимпиадасына бұл олимпиада ашылғаннан бері қатысып келемін. Рас, алғашында бірден жүлде ала алмадым. Бұл менің білімімде олқылықтар бар екендігін, оларды түзетіп, шыңдала түсуге үйретті. Оқушыларға олимпиаданың пайдасы өте үлкен. Қиын әрі қызықты тапсырмалар орындау жылдамдық пен іздену қабілетін шыңдай түсуге көмектеседі. Тапсырмаларды орындау барысында өз білімімді тексеріп, әрі қарай толықтыруға мүмкіндік алдым. Сосын біртіндеп әр түрлі пәндерден 3-ші, 2-ші орындар ала бастадым. Бұл жеңістер менің рухымды қанаттандырып, одан да биік жеңістерге жетеледі. Тынбай іздену және үзбей қатысу нәтижесінде біртіндеп маусымдық ойындардан алғашқыда флешка, сосын планшет ұтып бұл олимпиададан білімнің арқасында материалдық жағдайыңды жақсартуға болатынына да көзім жетті. «Қыс-көктем-2015» маусымында 4 пәннен 153 балл алып, маусым жеңімпазы атанып, сыйлыққа ноутбук алдым. Бұл жеңісіме ата-анам, ұстаздарым, мектеп директоры ерекше қуанды, Себебі, менің жеңісім- маған білім берген ұстаздарымның  жеңісі. «Қыс-көктем-2016» маусымында «КИО» олимпиада ұйымдастырушылары тағайындаған алғашқы стипендияяның иегері болдым. Ай сайын 5000 теңге шотыма түсіп, ата –анамнан қаржы сұрай бермей, керек жарағымды өзім – ақ ала беретін дербестікке жеттім.«Қыс-көктем-2016» маусымында тағы да 2-ші жүлделі орын алып, сыйлыққа керемет  планшет алдым.

Барлық қатысушы оқушыларға айтарым, олимпиадаға әркез қатысыңдар, жеңіліске мойымай, тек алға ұмтылып жоғары биіктерге талпыныңдар! «КИО» олимпиадасы сендердің бойларыңда еліміз ертеңгі күні арқа сүйейтін азаматтарға тән қасиеттерді шыңдайды!

 
Мазур Дмитрий
«Қыс-Көктем 2015» маусымының жеңімпаздары
Силантьевка ОМ...

Әрқашан жаңа жеңістен қуаныш сезінесің. Мен ҚИО олимпиадаларында үшінші рет жүлдегер болдым. Ал интернет олимпиадаларындағы жеңіс өз күшіне сенуге, көптеген жаңа ақпаратты білуге мүмкіндік береді. Мен олимпиадаға әр түрлі пәндер бойынша 5 жыл бойы қатысамын.

Кейде қиын болды, бірақ жаңа ақпаратты білу әрқашан жоғарылықты алады. Менің жетістіктерімнің рейтингте және менің мектебімнің алға жылжығанына өте қуаныштымын. Мектепті аяқтай отырып, ҚИО олимпиадаларының барлық қатысушыларына қиындықтан қорықпауға және белсенді болуға, өз білімдерін жетілдіруге тілек білдіргім келеді.

 
Ережеп Мерей
«Қыс-Көктем 2015» маусымының жеңімпаздары
Жаңақорған ауданы, №221 негізгі мектеп...

Мен Ережеп Мерей Сабыржанқызы, Қызылорда облысы Жаңақорған ауданы №221 Аққұм негізгі мектебінің 6-сынып оқушысымын. КИО-ға 6-сыныптан бастап қатысудамын.

«Күз-Қыс» маусымының қорытындысы бойынша ІІІ орын иелендім. «Көктем-Жаз» маусымы бойынша да үздіктер қатарынан көрінуім ұстаздарымды қуантты. Олимпиадалар өте қызықты, маған ұнады. Сіздердің жұмыстарыңызға шығармашылық табыс тілеймін.


Келесі жылы да олимпиадаларыңызға үзбей қатысамын.