азақстанды әлемдегі 50 дамыған елдің қатарына кіру мақсатын ұстанып отырған жас мемлекет ретінде біледі. Бұл үшін бізге ХХІ ғасырда қалай оқып, қалай жұмыс істеу керектігін білетін жоғары білімді адамдар қажет. Дамыған елдердің  75% ұлттық байлығы интеллектуалды капиталдың арқасында құралады. Білім мен кәсіпқойлық дағды рухани-адамгершілік құндылық, әлеуметтік жауапкершілік пен патриотизмге бағытталған болса, сонда ғана қоғамдағы жасампаз күшке айналмақ.

нтеллектуалды олимпиада – бұл Қазақстанның инновациялық білім жобасы. Біздің олимпиадаларға қатысу арқылы өз біліміңізді тексеріп қана қоймай, креативті ойыңызды дамытып, өзіңізді оқытып-үйретуге дағдыланасыз. Сайтымызда сіздерге мектептегі дәстүрлі пәндер ғана емес, сонымен қатар тақырыптық және пәнаралық олимпиада ұсынбақпыз. Бұл әр-түрлі дәрежедегі жаңа олимпиада болмақ, қатысу түрі де белгіленген: жеке немесе командалық. Біздің ҚИО тобымызда болыңыздар!

лимпиада - инновация, интернет және зияткерліктің қосындысы болып отыр. Бұл сайтымыздың жаңа бет алысы. Мұнда ҚИО командасымен де таныса аласыздар. Бұл ҚИО бастаушылары мен ҚИО жеңімпаздар дипломының иегерлері командасы! Қазақстандық Интернет-Олимпиадаларға қатысып, жеңімпаз болыңыз! Сіздің фотосуреттеріңіз бен сын-пікірлеріңіз пайда болады, сіз жайлы мыңдаған интернет пайдаланушылар білетін болады. Қазақстандық зияткерлер www.cdo.kz сайтында табысады.

Мен, Қаратай Дастан Қуанышұлы, Павлодар облысы, Май ауданы, Май жалпы орта білім беретін мектептің 7-сыныбында оқимын. Қазақстан  интернет олимпиадасына 6-cыныптан бастап қатысамын. «Күз-қыс-2018» маусымында олимпиада жеңімпазы атандым. Бұл олимпиада менің жан-жақты дамуыма және жылдам шешім қабылдауыма көп көмегін тигізеді. Себебі бұл- бүгінгі күннің талабы. Өзімді жетілдірудің бірден-бір жолы - ҚИО деп ойлаймын. Сондықтан ҚИО ұйымдастырушыларына алғысым шексіз. Келешекте бұдан да биік белестерді бағындырамын деген ойдамын. ҚИО қатысушыларына толғай табыстар тілеймін.

2018-2019  оқу  жылында,  Біржан сал ауданындағы, Андықожа батыр ауылы, мен Донской орта мектебінің атынан қатысып, осы қашықтық олимпиададан  ІІІ орынды иелендім.Мектебіміз  үшін бұл жеңіс күтпеген сый болды. Ұжымның ерен еңбегінің үздік  нәтиже көрсеткеніне қуандық. КИО олимпиадасында бірнеше ұстаздарымыз бен оқушыларымыз жүлделі орындарға ие болды. Менің ойымша нәтиженің болуы ол мұғалімдердің арқасы, себебі олар бізге таянбай білім беріп, өзіңді биіктен көрсетуге бағыттайтын да мұғалім. Сонымен қатар  осы олимпиадада қазақ тілінің сұрақтары күрделірек болды деп есептеймін, басқа оқушыларда осы сұрақтарға жауап беруге қиналды деп ойлаймын.Бірақ тапсырмалар өте қызықты, оқушыларға берілген сұрақтар күрделілігі жағынан үздіксіз ізденіп отыруды талап етеді.

Осы орынға ие болғаныма өте қуаныштымын, себебі оқып, білгеніңді әрқашан көрсете білу керек. Ұстаздан да, оқушылардан да, ізденіс пен біліктілікті қажетететін қашықтық олимпиаданы ұйымдастырғандары үшін мектеп әкімшілігі атынан алғыс айтамыз.

Мен, Сағадат Бек, Павлодар қаласының «Жас дарын» мамандандырылған мектебінің 6 М сынып оқушысымын. Осы оқу жылы КИО ұйымдастырған «Күз-Қыс 2018» олимпиадалар маусымына қатыстым (Қазақстан тарихы, дүниежүзі тарихы, география, ағылшын тілі, қазақ тілі, орыс тілі). Олимпиада қатысу арқылы өз білім деңгейімді анықтадым. Олимпиаданың кейбір сұрақтары қиын болса да, ойланып, дамытуға арналған, өте ерекше әрі қызықты. Іздемпаздыққа, әр сұрақтың қисын шешімін табуға үйретеді. Тапсырмаларды үлкен қызығушылықпен шештім. Осындай олимпиадаларға қатысып, білімімді шыңдап, алған мәліметтерді сабағымда қолданып жүргеніме, өз басым қатты қуанамын.

Мен, Бейсембай Мерей Қуандыққызы, Павлодар облысы Ақсу қаласының дарынды балаларға арналған мамандандырылған гимназияның 5 «А» сынып оқушысымын.  ҚИО-ға  бірінші рет қатысып, олимпиада тапсырмаларын орындау кезінде  өз білімді дәлелдей алдым.  Осындай білімге жетелеген ұстаздарыма рахмет! Тапсырмалар күрделі, бірақ өте қызықты болды. Болашақта көп ізденіп, белсенді қатысуға тырысамын.

Құрметті Қазақстан интернет олимпиадасы ұжымы!


Өскелең ұрпаққа білім беруде, білімді, ізденімпаз оқушыларымыздың көбеюіне Сіздердің жобаларыңыздың берер көмегі ұшаң-теңіз. Осы қашықтық олимпиадасына жыл сайын мектеп ұстаздары мен шәкірттеріміз қатысып жүлделі І, ІІ, ІІ орындар иеленіп келеді.


Осының бір дәлелі деп- 2017-2018 оқу жылының  нәтижесінде  мектебіміздің Республика бойынша КИО-дан  ІІІ орын  және Олимпиада Кубогін алуы,сонымен қатар  ұстаздарымыз "Алғыс хаттармен" марапатталғанын айтар едік. Биыл да осы бағытымыздан таймай бас жүлдені аламыз деген үміттеміз.


Алдағы уақытта Сіздің ұжымға қажырлы еңбек, толағай табыс тілейміз!

Қазақстанды әлемдік деңгейде таныту үшін білім жүйесі бәсекеге қабілетті жоғары деңгейде болуы қажет. Оқу үрдісі уақыт талабымен қаншама өзгермесін, бәрібір тек ұстаз ғана оның мазмұнын оқушы санасына жеткізеді.
 

Қазіргі кезде балалар дарындылығын арттыру үшін көптеген жұмыстар атқарылуда. Солардың ішінде оқушылар арасында пәндер бойынша өткізілетін пәндік олимпиадалардың орны ерекше.
 

Құрметті республикалық қашықтық олимпиадасын ұйымдастырушылары!
 

Жамбыл облысы Байзақ ауданы Ғани Мұратбаев атындағы гимназиясының  ұжымы 2017-2018 оқу жылының қорытындысы бойынша үміткер мектептердің алғашқы ондығында болғанымызға қуаныштымыз. Біздің ұстаздарымыз бен шәкірттеріміздің де жүйелі әрі сапалы жұмысының нәтижесінде Республика көлемінде Қазақстан интернет оллимпиада рейтингісінде жүлделі ІІ орын иеленгеніміз – біз үшін мақтаныш және зор табыс деп санаймыз.
 

Сондықтан оқушылардың қызығушылын ояту, теориялық білімдер мен тәжірибелі дағдыларды тереңдету мақсатында ұйымдастырылған осы қашықтық олимпиаданы ұйымдастырушыларға өз педагогикалық ұжымымыз атынан зор алғыс білдіреміз!

2017-2018  оқу  жылында Маңғыстау облысы, Маңғыстау ауданындағы, Жыңғылды селосындағы Е.Айшуақұлы атындағы орта мектеп ұжымы бойынша республика бойынша ІІІ орынды иемденіп, "Дарын" кубогымен марапатталды. Жүлде кубогы мен  аудандық марапаты аудандық тамыз мәслихатында  арнайы табыс етілді. Мектебіміз  үшін бұл жеңіс күтпеген сый болды. Ұжымның ерен еңбегінің үздік  нәтиже көрсеткеніне қуандық. КИО олимпиадасында бірнеше ұстаздарымыз бен жүздеген оқушыларымыз жүлделі орындарға ие болды. Осындай нәтижеге жету жолында мұғалімдер талмай іздене отырып, оқушыларды тиімді қатыстыра білді.  Ұстаздан да, оқушылардан да, ізденіс пен біліктілікті қажет ететін олимпиаданы  ұйымдастырғандарыңызға мектеп әкімшілігі атынан алғыс айтамыз. Сіздерге  үлкен шығармашылық табыс тілейміз.
 

Біздің қажырлы еңбегімізбен бағындырған белесімізді ескеріп, олимпиада кубогымен марапаттауларыңыз үшін шексіз алғысымызды білдіреміз.

Бұл пән олимпиадалары – ғылымның алғашқы басқышы, бала санасына ғылымның  алғашқы ізденістерін қалыптастырып, болашақ ғалымдарды баулитын, ғылымға  еркін байлайтын жастарды қалыптастыратын ең үлкен және ең тамаша бағдарламалық бәсеке екендігі хақ.

«Біз әлемнің алдыңғы елдерімен бәсекелес болу үшін, ең алдымен, технократтық мемлекетке айналуымыз керек», -дейді заманның заңғар математигі Асқар Жұмаділдаев. Ғылымның тереңіне үңілу мына заманның алғы шарты десек, пән олимпиадасы алғы шарттың алғышарты болып тұрғаны баршамызға аян.

Сапалы әрі жүйелі дайындық – тек баланың ғылымға ғана көзқарасын қалыптастырып қоймай, болашаққа деген нық сенімін орнатып биік мақсаттар қоя алатын тұлға тәрбиелеудегі тамаша дағды дер едім. Бастысы, жүйелі дайындық және тынымсыз еңбек – пәндік олимпиаданың шыңын бағындыруға қажетті ең негізгі критерий иә, біздің ұстаздарымыз бен шәкірттеріміздің де жүйелі әрі сапалы дайындығының нәтижесінде Республика көлемінде жүлделі ІІ орын иеленгеніміз – біз үшін мақтаныш.

Біздің ұжымның әр бір дарынды оқушысы мен білікті ұстаздары әлі де білім көкжиегін көрсетіп білік, дағдыларын шыңдай түсіп білім бәсекесінде бұдан да жоғары көрсеткішке ие болады деп сендіргім келеді.

Алдағы уақытта сіздердің ұжымдарыңызға тілегей табыс тілейміз!

Құрметті республикалық қашықтық олимпиадасын ұйымдастырушылар!

Жамбыл облысы Жамбыл ауданы Төле би атындағы орта мектебі ұжымы 2017-2018 оқу жылының қорытындысы бойынша ауыл мектептері арасында жүлделі ІІ орынға ие болып, "ДАРЫН" РҒПО кубогын жеңіп алды.

РҚО ұйымдастырған пәндік олимпиадаларға мұғалімдер мен оқушылардың қатысуы  қолжетімді, әрі жоғары нәтижеге жетуге ұмтылдырады. Оқушылардың пәнге деген қызығушылықтарын арттырып, білімдерін толықтыруға, жан-жақты ізденуге талпындырады. Мектебімізде 45 мұғалім, 350 оқушы бар. Республика көлемінде "ДАРЫН" РҒПО кубогын алуға үміткер мектептердің алғашқы ондығында болғанымызға қуаныштымыз. Бұл мектебімізде дұрыс ұйымдастырылып, жүргізілген жұмыстардың нәтижесі.

Ауыл мектебінің оқушылары мен мұғалімдеріне өз білім деңгейлерін шыңдау мақсатында олимпиада ұйымдастырушыларына алғысымыз шексіз!

Жамбыл облысы Байзақ ауданы Сарыкемер ауылы Сарыкемер мектеп-гимназиясының педагогикалық ұжымы мен оқушылары сіздерге алғыс білдіреді.Біздің мектеп-гимназия ұжымы мен оқушылары жыл сайын сіздер ұйымдастырған Қазақстандық интернет-олимпиадаларға  үздіксіз қатысып келеміз. Соның нәтижесінде, 2017-2018 оқу жылында Қазақстан интернет олимпиадасы рейтингісінде«Дарын» кубогын иеленіп, ІІІ дәрежелі дипломмен марапатталдық. Сіздер ұйымдастырып отырған олимпиада тапсырмалары оқушылардың ойлау логикасы мен өзіндік дүниетанымын дамытуға қажетті.

Өйткені бүгінгі күні тек жалпыға бірдей білім беру стандарты талаптары шегінде емес, олардың бәсекеге қабілетті білім кеңістігінде зияткерлік қабілеті дамыған және  жан - жақты білімі бар тұлға даярлау - ең негізгі мақсатымыз.Бұл тұрғыдан сіздердің жалпы пәндер бойынша оқушы білімін дамытуға даярлаған тапсырмаларыңыз біздің пәндік білімімізді тереңдетіп, ізденушілікке жетелейді. Ал, мұғалімдердің олимпиадалары өз білімін жетілдіруге және оны шығармашылық  тұрғыда дамытуға, республика бойынша мұғалімдер арасында өзара бәсекелестікке шақырады. Біз дарынды балаларды анықтау мен дамытуға көп көңіл бөлгендіктен  сіздердің олимпиадалық қозғалысты дамытудағы еңбектеріңізге үлкен алғысымыз шексіз.

ҚИО олимпиадасының ұйымдастырушыларына үлкен рахмет!

Біз, Жамбыл облысы  Жамбыл ауданы Әзімбек Ысмайылұлы атындағы орта мектебінің ұстаздары, былтырғы оқу жылында Қазақстан Интернет Олимпиадасына  ұжым болып қатыстық. Сонымен қатар  оқушыларымызды қатыстырып,  көптеген орындар иелендік. Соның арқасында республикада ауылдық мектептер арасында  жүлделі 3-орын алдық. Қазір аудандағы үздік мектептер қатарындамыз. Бұрынғы жылдары ҚИО-ға қатысу пайызы төмендеу еді. Оған себеп – интернет желісінің күші аз болған. Қазіргі кезде барлық мектептер ғаламтор желісіне белсенді қосылған.

Қашықтық олимпиаданы ұйымдастырушы  ұжымға айтар алғысымыз мол.

Тапсырмалар өте қызықты, оқушыларға берілген сұрақтар күрделілігі жағынан үздіксіз ізденіп отыруды талап етеді.

Тапсырмалар оқушылардың жас ерекшеліктерін ескере отырып берілсе және 5 сынып оқушыларына арналған пәндер олимпиадасы қосылса деген ұсынысымыз бар

Игі тілекпен: мектеп ұжымы.

Жамбыл облысы, Қордай ауданы, Қордай ауылындағы №1 Дінмұхамед Қонаев атындағы мектеп-гимназиясының ұжымы Қазақстандық интернет олимпиадаға өз алғысын білдіруде. Бұл олимпиадаға біздің ұжымның қатысуы алғаш рет емес.

Алайда 2017-2018 оқу жылы біздің ұжым үшін ерекше болды деп айтсақ болады, себебі сол оқу жылы олимпиадаға деген қызығушылық тек ұстаздарда ғана емес оқушыларда да кең орын алды. Біздің мектебіміздің ұжымы тек оқушылардың емес арнайы ұстаздарға арналған олипиадаларға да белсене қатысуға тырысты.

Алайда, олимпиаданың айта кететін кемшіліктері бар. Мысалы орыс тілі пәнінен жүргізілген олимпиадада тапсырмалар оқушылардың оқу тіліне бөлінбеген, демек орыс сыныптарының және қазақ сыныптарының тапсырмалары бірдей. Ағылшын тілі пәні бойынша айта кететін болсақ, пән бойынша олипиадада мектеп бағдарламасынан тыс сұрақтар өте көп және олар оқушылардың шетел тілін оқуға деген қызығушылын оятуда. Демек ағылшын тілі пәнінен де кейде корректті емес сұрақтар кездеседі.

Жалпы олимпиаданың жүргізілген рейтінгісі өте дұрыс және әр мектеп өз рейтінгісін көре алуы да тамаша бірақ,  оқушылардың электронды медальдары шынайы түрде жіберілсе оқушылардың бұл олимпиадаға қызығушылықтары және қатысуы арта түсетін еді.