азақстанды әлемдегі 50 дамыған елдің қатарына кіру мақсатын ұстанып отырған жас мемлекет ретінде біледі. Бұл үшін бізге ХХІ ғасырда қалай оқып, қалай жұмыс істеу керектігін білетін жоғары білімді адамдар қажет. Дамыған елдердің  75% ұлттық байлығы интеллектуалды капиталдың арқасында құралады. Білім мен кәсіпқойлық дағды рухани-адамгершілік құндылық, әлеуметтік жауапкершілік пен патриотизмге бағытталған болса, сонда ғана қоғамдағы жасампаз күшке айналмақ.

нтеллектуалды олимпиада – бұл Қазақстанның инновациялық білім жобасы. Біздің олимпиадаларға қатысу арқылы өз біліміңізді тексеріп қана қоймай, креативті ойыңызды дамытып, өзіңізді оқытып-үйретуге дағдыланасыз. Сайтымызда сіздерге мектептегі дәстүрлі пәндер ғана емес, сонымен қатар тақырыптық және пәнаралық олимпиада ұсынбақпыз. Бұл әр-түрлі дәрежедегі жаңа олимпиада болмақ, қатысу түрі де белгіленген: жеке немесе командалық. Біздің ҚИО тобымызда болыңыздар!

лимпиада - инновация, интернет және зияткерліктің қосындысы болып отыр. Бұл сайтымыздың жаңа бет алысы. Мұнда ҚИО командасымен де таныса аласыздар. Бұл ҚИО бастаушылары мен ҚИО жеңімпаздар дипломының иегерлері командасы! Қазақстандық Интернет-Олимпиадаларға қатысып, жеңімпаз болыңыз! Сіздің фотосуреттеріңіз бен сын-пікірлеріңіз пайда болады, сіз жайлы мыңдаған интернет пайдаланушылар білетін болады. Қазақстандық зияткерлер www.cdo.kz сайтында табысады.

Мен 6 жыл көлемінде олимпиадаларға қатысып келемін. Менің мектебім гуманитарлық ғылым бағытында оқытады. Сол себептен болар география, қазақстан тарихы, ағылшын және орыс тілін біріктірген интеллектуалды олимпиада жүйесіне қатысу мен үшін қызықты болды. 

Дистанциондық олимпиададан не үйрендім? Бұл біріншіден сабақтан тыс оқыған әдебиеттен алған білімімді сынау. Қызықты қойылған сұрақтар, жақсы таңдалған тақырыптар, олимпиадаға қатысу үшін орын мен уақыттың қол жетімділігі маған ұнады. Бұл қай жағынан алсақ та ыңғайлы деп ойлаймын. Сол себептен болар, қатысқаннан жақсы ойлар қалыптасты

Одан басқа аталмыш Қазақстандық зияткерлік олимпиаданы дайындаушы адамдармен таныстым. ҚИО бұл – өз тобына еліміздің түкпір-түкпірінен жиналған балаларды топтастыратын олимпиада. ҚИО олимпиадасымен бір орында тұрмай өз біліміңді толықтырып отыруың керек. ҚИО – алға жүру!

Мен кітап оқып жаңа бір ғылымды танығанды ұнатамын. Менің білімім қандай дәрежеде екені мені қашанда толғандыратын. Бүгінгі күнге дейін жауабы болмады. Біздің еліміз болашаққа көз жүгіртіп, жастар өз мүмкіндіктерін көрсетуіне жағдай жасалды. Павлодарда алғашқылардың бірі болып Қазақстандық интернет олимпиада жүйесі ашылды.  Бұл жүйе менің білімім қандай дәрежеде екендігін көрсетті. Олимпиада барлық оқушыларға тиімді болған себепті, тест жүйесін өту қиын болған жоқ. Олимпиада сұрақтары әралуан, кейбір сұрақтар қиындық туғызды, ол да жақсы. Осы сұрақтар жайлы мәліметтер қатысушының қызығушылығын тудыратыны анық. Олимпиаданың бұл жүйесін өтіп, мен жаңа білім алдым. Тек қана бұл емес, ҚИО жүйесіне тіркелген қатысушылар арасынан жаңа достар таптым. Олардың да нәтижелері жаман емес. Мен олар үшін қуаныштымын, оларға сәттілік тілеп, есімдері әрі талай жерден естілетініне сенемін. Менің арманым бар: елімнің дамуы мен гүлденуіне өз үлесімді қосқым келеді. Бұл ретте менің туған туысқандарым мен өмірлік ұстаздарымның үлесі зор. Әрине ҚИО-да мені бұл арманға жетелеп апарар жолдың бірі.

Үстіміздегі жылы алғашқы Қазақстандық Интернет Олимпиадаға қатыстым. Интернеттің белсенді қолданушысы ретінде бұл Казнет тарихында болған қайталанбас оқиға. Компьютерді жаңа меңгерген адам болса да, ол география, орыс тілі, қазақстан тарихы мен ағылшын тілінен олимпиадаға қатысып мектеп бағдарламасындағы пәндер бойынша өз білімін тексере алды. 2-7 сынып оқушыларына арналған олипиада өзі бір басқа.

Әрбір жаңа бастама уақытты, күшті сонымен қатар төзімділікті қажет етеді. Бұл ретте жаңа бағыт ұсынуды да батылдық деп білемін.  «Бес Асыл» қоғамдық қорының басшылары мен үйлестірушілерінің бойларында жоғарыда аталған қасиеттер бар. Олардың бірігіп істеген жұмысының арқасында олимпиада сәтті өтті. Бұл еңбектеріңіз үшін алғысымды білдіремін!

Бұл олимпиадаға қатысу ұлттық біріңғай тестілеудің алдында білімімді тағы бірмәрте сынау болды. Қазақстан тарихы мен география сұрақтары қиындық туғызды, бірақ көп сұрақтарың жауабын білдім. Ағылшын тілі бойынша сұрақтар қиын болып көрінді. Дәрежесі  IELTS-тен төмен емес, құрастырушылардың еңбегі сезіліп тұр. Стандартты емес сұрақтар грамматиканы, ал логикаға арналған сұрақтар өзіңнің  IQ дәрежеңді көрсетеді. Орыс тілінен өткен олимпиада сұрақтары бар кереметтігін көрсетті. Әдебиеттану мен тіл білімінің терең салаларынан құралған сұрақтар тіл мамандарына да үлкен сынақ.

Олимпиадаға қатысу бұл ең алдымен – тәжірибе. Веб – серфингті ұнатушы ретінде, осы жылғы түлек ретінде, қашанда болмасын жаңа мәліметтерге қызығушы адам ретінде алғашқы Қазақстандық Олимпиадаға қатысу мен үшін қызықты болды.  

Алдағы уақытта осындай бірегей жобаның дамуы мен гүлденуін тілеймін! Тек қана алға! Барлықтарыңызда тамаша мүмкіндік бар. Әрбіреуіңіз таланттысыз! Өздеріңізді көрсетуден қорықпаңыздар!